Аудан әкімінің құттықтаулары

Құрметті ұстаздар! Қымбатты оқушылар, ата-аналар!

Сіздерді бүгінгі жарқын да қуанышты, айтулы мереке – Білім күнімен құттықтаймын!

1 қыркүйек – барша халықтың дәстүрлі мерекесі! Бұл күн кейбіріміздің мектеп қабырғасын, одан кейін кәсіби оқу орындарына барған күндерді еске түсіруімен сипат алса, жас мұғалімдердің алғашқы жұмыс күні, әсері мен толғанысын айғақтайтын ұмытылмас сәттермен есте қалады. Әр адамның өмірінде айрықша із қалдыратын бұл мереке барша жұртқа ортақ.

Бірінші қыркүйек өмірін білім саласына арнаған ұстаздар қауымына ерекше көңіл аударылатын күн. Ұстаздық – Алланың берген кәсібі, басқа кәсіптер – мұғалімнен алынады. Өйткені, әрбір инженердің, экономистің, бухгалтердің, ғалымның, жұмысшының еңбегіне ұстаздың сіңірген еңбегі зор. Оқушылардың жаңа буынын оқыту мен тәрбиелеуде олар қаншама тер төгеді, еңбектенеді, оларды өз елінің лайықты азаматы етіп тәрбиелейді, мақтанышы болуға дайындайды. Сол себептен, ұстаздарға алғысымды білдіремін, қымбатты ұстаздар мен тәрбиеші қауым. Өскелең ұрпақты тәрбиелеу мен білім нәрін сусындатуда қажымас еңбектеріңіз, төзімділіктеріңіз үшін Сіздерге қандай мадақтау  да жарасады. Зор денсаулық, отбасында береке, алдарыңызға талпынысы мол шәкірттер мен тәрбиеленушілер келуін тілеймін.

Қымбатты ұстаздар, оқушылар мен ата-аналар!

Сіздерді тағы да Білім күнімен және жаңа оқу жылының басталуымен құттықтаймын. Сіздерге бүгінгі ерекше, жайма шуақ күні жақсы көңіл-күй, жаңа жетістіктер, шығармашылық табыс, мықты денсаулық және жаңа бастамаларыңызға тек қана сәттілік тілеймін! Бүгінгі күн Сіздер үшін үлкен үміттер күні болсын!

 

 

1 мамыр – Қазақстан халқының бiрлiгi күнi Аудан әкімі Батырбек ҚҰЛЕКЕЕВТІҢ Құттықтауы

 

7 мамыр – Отан қорғаушы күні Аудан әкімі Батырбек ҚҰЛЕКЕЕВТІҢ ҚҰТТЫҚТАУЫ

 

Жуалы ауданының әкімі Батырбек Құлекеевтің 8 наурыз – Халықаралық әйелдер күні мерекесіне орай сөйлеген сөзі